Sad Urdu PoetryUrdu Poetry

Us simt nazar ka koi mauqa b na rakha

Us simt nazar ka koi mauqa b na rakha
Dewaar to chun li daricha b na rakha

Hm teri lagan mein they bari door nikal aye
Aur lautny wala koi rasta b na rakha

Aaghaz-e-safar khauf tha pr ishq ne dil mein
Is rah mein lut jany ka khadsha b na rakha

Ab khushk hain sehra ki tarha jheel si aankhen
Kya gham ne tery qabil-e-girya b na rakha

Ik dard sa baqi tha mgr zabt ki had se
Is dil ne wo mauhoom sa rishta b na rakha

Dil yad b krta to kahan dhoundhny jata
Aankhon ne to mehfoz wo naqsha b na rakha

Khud bhoul gya de k hukam-e-musafat
Aur rah mein dum leny ka mauqa b na rakha

Souraj ke sitam sehty they jis perr ki khatir
Us ne to hmary liye saya b na rakha

Kuch dast-e-ata itna kushada b nhi tha
Kuch mangny walon ne saliqa b na rakha.

Related Articles

Leave a Reply

Your email address will not be published. Required fields are marked *

Back to top button